"WELCOME HOME!!!"
Malakas at sabay-sabay na pagbati ang isinalubong naming lahat kay Mama matapos niyang makababa sa kotse ni Kuya Rocco. Oo, ang mga tao ng mga Delavega ang sumalubong na sa kanya sa airport dahil nga ang surpresa namin ay naririto sa bahay.
Nagpasabog pa nga sila ng confetti para kay Mama.
Speechless naman si Mama. Nakahawak siya sa dibdib at magkahalong gulat at emosyon ang mababasa sa kanyang mukha.
"Mama!!" Kaagad namin siyang sinalubong ni Joy at niyakap ng mahigpit.
Hindi ko na rin napigilang maiyak.
"Ang mga anak ko. Nag-abala talaga kayo?" Niyakap din niya kami ng mahigpit.
"Para sa inyo 'yan, Mama!" sagot naman ni Joy. Humalik din kami sa pisngi niya.
"Kaya pala hindi niyo na ako sinalubong sa airport. Nandito pala kayong lahat."
"Surprise, Mama," sago
