ISANG LINGGONG ibinuhos na muna namin ang buong atensyon namin kay Mama. Pagkatapos ng klase ni Joy ay lumalabas kami para mamasyal, mag-shopping, mag-relax at bonding sa mga salon and spa. Kumakain din kami sa mga gusto naming kainan na mga restaurant at kung ano-ano pa.
Isinasama din namin si Lola dahil may sasakyan naman at may mga bantay kami. Bumili din kami ng wheelchair para sa mahabang lakarin namin sa mga plaza at park, hindi na mapapagod pang maglakad si Lola.
Dati-rati ay ayaw niyang sumama sa mga ganito, pero noong si Mama ang mag-aya, hindi namin siya naringgan nang pagtanggi. Si Mama lang pala ang gustong-gusto niyang makasama.
Pagsapit ng friday, nag-check-in kami sa hotel na pag-aari ng mga Delavega sa BGC Taguig dahil gusto daw ni Joy ma- experience ang pumasok sa hot
