Margareth POV.
Si kuya Mateo ang naghatid sa akin sa harap ng altar kung saan naghihintay si Marco katabi nina mommy Helen at daddy Marc. Hindi ko inaasahan na ganito ang makikita ko pagbukas ng pintuan dahil malayo ito sa naka-picture na eksena sa isip ko.
Nagkamay sina Marco at Kuya Mateo ng makarating kami sa harap nito habang nagmano naman ako sa mga magulang ni Marco.
"Welcome anak," masayang sabi ni Mommy Helen bago tuluyang inabot ang kamay ni Marco at pinagsalikop ito paharap sa paring naghihintay sa amin.
Para akong lutang habang nagaganap ang seremonya ng kasal. Talagang nasurpresa ako ng husto ni Marco at hindi ko inaasahan ang lahat ng ito o pumasok man lang sa isipan ko.
Nagising lang ako sa katotohanan ng tanungin ng pari si Marco na hindi man lang nito pinatapos at
