Sinabi ni Sebastian na ayusin niya ang kanyang mga gamit sa guest pagdating, pero dahil hindi pa malinaw sa kanya ang lahat nang ihatid ng security nito ang mga gamit niya inakyat lang niya sa guest room at hindi inalis sa maleta. Nais muna niyang magkausap sila nito at malaman ang totoong magiging set up nila ngayong wala na siyang mapupuntahan pang iba.
"Ano man iyan Eliana kayanin mo. Wala ka ng makakapitan pa, kapit ka na lang sa patalim," malungkot niyang bulong sa sarili.
Nahiga siya sa kama at tumitig sa kisame. Ilang minuto rin siyang tila tulala sa pagkakatitig sa kisame. Magulo ang kanyang isip at hindi niya alam kung anu-ano ang tumatakbo sa kanyang isip.
Nasa ganoong posisyon siya nang mag ring ang cellphone niya na nasa may side table ng kama. Napabalikwas pa siya ng bangon
