"Gusto ko munang magtungo sa penthouse mo Sebastian, bago ako tumuloy sa hotel room ko," saad ng Mama niya matapos maiutos sa mga staff ng hotel ang mga gamit ng ina.
Nagulat siya at napalingon kay Eliana na nakatayo sa tabi niya at hawak ang kamay nito. Ilang beses nang pinuna ng Mama niya ang paghawak niya sa kamay ni Eliana sa public place, pero hindi niya iyon pinansin. Ang mahalaga maipakita niya kay Eliana ang kanyang proteksyon rito kahit sa pamamagitan lamang ng paghawak sa kamay nito.
"Ma, gabi na po, magpahinga na po muna kayo," he said. Gusto na rin kasi niyang magpahinga muna sa mga talak ng ina sa kanya.
"Sebastian, kung hinayaan mo kong magsalita ng magsalita kanina sa restaurant di sana nasabi ko na sa iyo ang lahat at hindi na kita kailangan kausapin pa ngayon," mahabang
