Sabrina
"Doctora, kamusta po ang anak ko?" tanong ko sa doctor na tinawagan ni Georgina kanina.
Grabe talaga ang pagkagulat ko sa nangyari kanina kay Allie, hindi ko alam ang gagawin ko, mabuti na lang talaga at nandito si Georgina.
"Okay naman s'ya, sobrang taas lang ng lagnat n'ya at parang stress din ang bata kaya biglang hindi kinaya ng katawan n'ya, may nangyari ba?" tanong sa amin ng doctor.
Nagkatinginan kami ni Georgina, hindi ko alam ang isasagot ko, parang naaawa 'uli ako sa sitwasyon namin kung ikukwento ko ang nangyari sa amin.
"Mahabang storya Dra. Ivette," sagot ni Georgina. Nakakaunawa naman ngumiti si Dra. Ivette sa amin.
"Okay, naiintindihan ko basta iwasan na lang na ma-stress ang bata baka kasi bigla na lang magka-trauma," sagot ni Dra. Ivette, "Eto 'yung reseta n
