MARTHA
KUNWARING wala lang sa akin ang mga narinig ko. Hindi ko alam kung paano ako magiging okay sa bawat paglipas ng minuto.
Paanong nangyari iyon na naaalala niya si Maricris at ako hindi? Hindi ko alam kung paano pa ako magiging okay sa ganito. Gusto ko nang magtanong kung ano ba talaga ang nangyayari dahil sa totoo lang ay hindi ko na mawari kung ano ba ang totoo.
"Oh heto mayroon akong dalang pagkain. Saglit lang ako dahil tumakas lang din naman ako kay nanay. Ate, kailan ka ulit dadalaw?" Abala na si Maricris sa paglalabas ng kanyang mga dalang pagkain.
"Itetext o tatawag na lang ako sa'yo."
"Tita, how's tito Michael? I miss him," maya maya ay sabad ni Hercules.
Nagkatinginan kaming dalawa ni Maricris at kapwa kami natigil sa aming ginagawa.
"Ah, anak. We will see him soon. O
