MALAWAK, maaliwalas at maganda ang lugar na sinabi sa akin ni Lolo. Mababa lang ang malawak na damuhan at tanaw na tanaw ang dagat mula rito. Nagkataon din na sa dulo ay may isang hindi kalakihang puno pero mukhang sapat na ang lilim noon para sa aming dalawa.
"Mars? Ano'ng gagawin natin dito?" tanong ni Venus sa akin. Hindi ko alam kung paano iyon sasagutin kaya kinuha ko na lang ang isa niyang kamay. Hinawakan ko siya at dinala sa punong nasa dulo ng lugar.
Dinukot ko mula sa bulsa ko ang dala kong malapad na panyo at inilagay ko iyon sa lilim ng puno. Pinaupo ko siya. Napangiti pa nga siya at namumula ang pisngi.
"Maupo ka rin. Alangang ako lang," sabi niya sa akin.
Bumitaw ako saglit sa kamay niya at umupo. Dalawang dipa yata ang agwat ko mula sa kaniya. Tapos ay biglang sumama ang
