PAGPASOK pa lang namin sa entrada ng siyudad ay naramdaman ko na kaagad na may malalakas na aura ang naghihintay sa amin sa loob. Patuloy lang kami sa paglakad hanggang sa marating namin ang isang malaking tunnel. Maigsi lang iyon at bumungad sa amin ang isang lugar na may mga nagtataasang gusali na yari làhat sa lupa at bato. Nasa loob iyon ng bundok pero may mga maliliwanag na ilaw sa itaas na parang mga kristal. Malawak at paikot ang lugar. Tanaw namin iyon dahil nasa itaas kami at kinakailangan pa naming dumaan sa hagdang bato na nakakonekta sa ibaba. Sa dulo ng lugar ay natatanaw rin namin ang isang kastilyo. Nababalutan iyon ng itim na aura. Ramdam na ramdam ko ang lakas ng kapangyarihang nagmumula roon.
"Mga kasama! Susugod tayo papuntang palasyo! Humanda kayo!" malakas na sabi ni
