HINDI ako sigurado, pero parang sinadya ni Jupiter na magpatama sa mukha niya nang suntukin ko siya ng umaapoy kong kamao. Parang hindi ako nakontento pero magkagano'n man ay ayos pa rin. Nabawian ko na rin siya. Agad ko ring pinuntahan ang lugar na pinagtalsikan niya. Hindi ko na nga inintindi ang nasirang bakod ni Lolo. Ang kapal ng sementong ginamit doon pero nasira pa rin. Pero ano nga kayang mangyayari kapag nalaman ito ng matanda.
"M-marcelo Falcon! Iyon na ba ang ipinagmamalaki mong suntok?" Dumura pa si Jupiter sa lupa matapos muling makatayo.
"Ang hina pa rin!"
"'Wag kang mayabang Taba! Tingnan mo kaya ang mukha mo, nangitim dahil nasunog," sagot ko naman. Hindi ako nagpatalo sa pagyayabang niya.
"Hahhahhah! Ikumpara mo naman d'yan sa paga mong mukha at bugbog-sarado mong kata
