DUMAAN pa ang mga araw. Dalawang buwan pa ang nagdaan. Halos araw-araw ay kinakalaban namin ang daan-daang kampon ni Lucifer. Dahil sa iilan na lang kami ay medyo tumagal pa ang mga mandirigma naming kasama. Ngayon ay nasa dalawampu na lang sila. Malakas ang kapangyarihan naming mga Maharlika pero kung sa ganitong bilang ay baka hindi rin kami manalo. Nasa digmaan kami at hindi ito paligsahan kaya mas nakalalamang ang may maraming bilang.
Napatigil kami sa paglalakad nang isang napakataas at napakalapad na bato ang tumambad sa harapan namin. May mukha rin ng malaking leon ang nakaukit doon at nakanganga iyon. Isang daanan ang bunganga nito.
"Iyan ang daanan papasok sa Uluru," sabi ni Sven sa amin.
"Ang Siyudad ng Uluru ay napapaligiran ng napakataas na harang na bato at sa mga ito ay ma
