Volume III
BUMUNGAD sa amin ang isang gubat nang makalabas kami sa lagusan. Napatingin ako sa paligid. Napakalalaki ng mga puno rito kumpara sa nasa Mundo. Medyo masukal din pero kami ngayon ay nasa hawan na parte. Hawan din ang d**o sa lupa na nagsilbing daan papunta sa isang malapad at malaking gate. Ilang metro lamang ang layo noon mula sa amin. Mukhang napakakapal din noon at napakataas. May naka-ukit din doon na apat na simbolo. Napatingin ako sa kanang palad ko, kahawig nito ang apoy sa simbolo roon.
"Nasaan po tayo, Mahal na reyna?" tanong ni Terrance kay reyna Claudia.
"Nasa Enomenos tayo. Isang rehiyong neutral sa Elementalika. Ibig sabihin, hindi ito sakop ng alinmang kaharian," sagot naman niya sa amin. Tumingin din ako sa langit. Kulay asul din kaso, masyadong maitim ang mga
