DILAW na apoy ang pinalabas ko, base nga sa turo ni Lolo sa akin ay may kanya-kanyang kulay ang apoy ng mga Flammanian. Pero sabi pa niya, iilan lang daw ang napagkalooban ng kakayahang magbago ng kulay ng apoy, kasama na kaming Maharlika roon. Pula ang unang apoy na napapalabas ko at sabi ni Lolo sa akin ay pangalawa iyon sa pinakamahinang klase ng apoy. Naalala ko nang maging orange ang apoy ko, iyon daw ang pinakamahinang klase, mahina ang init. Ang dilaw naman ay ang ikatlong pinakamainit na apoy, pangalawa ang puti at pinakamainit at pinakamalakas ang asul. Ibig-sabihin, may limang kulay ang apoy at iyon din ang basehan ng init nito. Naitanong ko rin noon kay Lolo kung bakit may itim na apoy, ang sabi niya, iyon daw ay dahil hinaluan iyon ng itim na kapangyarihan. May sinabi rin sa a
