***DHENNA***
“Diyos ko! Ang anak ko!” Sindak na sindak si Manet nang makita niya ang paanan niya na may umaagos na dugo. Agad siyang nanginig sa hindi malamang gagawin.
Namilog din nang husto ang mga mata nina Randy at Aman nang makita ang sariwang dugo na mabagal na pababa sa mga pagitan ng paa ni Manet.
Si Randy nga'y natulala na. Tumataas-baba ang dibdib nito.
“Randy, ilayo mo na ako rito please?" Gayunman ay agaw ni Dhenna sa pansin ni Randy. Sinamantala niya ang pagkakataon. Masuyong hinawakan niya ang braso ni Randy. “Lumayo na tayo rito. Iwanan mo na ang eskandalusa mong asawa na 'yan. Ako ang piliin mo, Randy. Umalis na tayo. Tumakas na tayo. Nagmamakaawa ako sa ‘yo.”
Subalit imbes na maawa ay marahas na tinabig ni Randy ang mga kamay niya. “Ikaw ang lumayo, Dhenna! Tantanan
