***RANDY***
“Okay na. Mukhang effective yung ginawa natin. Halatang inis na inis daw si Dhenna kay Kai,” imporma ni Aman pagkatapos nitong basahin ang chat ni Kai sa cellphone nito.
Parang biglang sumakit ang ulo ni Randy na napahawak sa kanyang noo. Nakapikit na hinihimas-himas niya iyon. He was feeling deathly tired, gayung ang ginawa lang naman niya ay makipagbalitaan kay Orlan, isa sa kanyang mga pinsan.
Napilitan siya na tawagan ang kanyang pinsan para lang maging busy ang kanyang linya at hindi siya matawagan ni Dhenna.
Kanina ay nagulat siya nang dumating bigla si Aman sa kanyang office at sinabi sa kanya ang iniisip na paraan ni Kai upang manghinala ulit daw si Dhenna na may babae siya.
Kunwari ay magkausap sila kanina ni Kai kahit na si Aman naman ang kausap ng dalaga. At
