***RANDY***
Pagkatapos ng trabaho ay nagkayayaan sila nina Dulfo ng inuman dahil kaarawan daw ng bunso nitong anak. Diretso ang mga lalaking trabahador ng Villademoza Farm sa munting bahay nina Dulfo.
“Sir, bilis-bilisan mo lang ang pagporma kay Ma’am Manet. Baka hindi mo pa alam ay ang daming pumoporma sa kanya. Pati nga iyong anak ng gobernador ay nagkakagusto sa kanya. Baka umiyak ka na lang ng dugo kapag naunahan ka,” kantyaw sa kanya ni Ramos nang may mga tama na sila.
“Tama, kung guwapo nga lang ako at wala pang asawa ay liligawan ko rin si Ma’am. Kaso napikot na ako nitong misis ko, eh,” gatong ni Dulfo.
“Anong pinikot? Sa hitsura mong ‘yan pipikutin ko? Naawa nga lang ako sa iyo noon kaya sinagot kita kasi sabi mo magbibigti kang animal ka,” ngunit pambubuking naman dito ng m
