***RANDY***
“Kumusta, Sir? Kaya mo pa ba?” masiglang bati ni Alee sa kanya habang nakasakay ito sa isang kabayo. Ito ang binatilyo na kanyang napagtanungan noong isang araw sa address ni Manet. At ito ang nagpakalat sa mga tauhan ng farm na dating asawa siya ni Manet kaya ngayon ay laman siya ng chismis sa lugar.
“Ayos lang, Alee. Ang ganda ng sasakyan mo, ah,” aniya na nakangiti. Ibinaba niya muna ang kargang sako ng rambutan upang sipatin ang itim na kabayo.
“Kay Liam po ang kabayong ito. Pinapagamit lang sa akin ni Ate Manet para mabilis po akong makaikot sa buong parte ng farm. Ako na rin po ang nag-aalaga,” sabi ng binata.
“Puwede ko ba siyang hawakan?”
“Sige po. Mabait po itong si Stallion.”
Manghang-mangha na hinawakan nga niya ang kabayo. Ang astig kasi.
Sa farm ni Manet
