***MANET***
APAT NA TAON pagkatapos ng demandahang Manet at Randy sa kasong concubinage.
“Ayusin mo na ang buhay niyo ng asawa mo, ah? Huwag mo na siyang sasaktan. Umiwas ka na sa tukso. Nakakasira talaga iyon ng pamilya,” sabi ng warden na siyang isa sa naghatid kay Randy sa paglabas nito sa kulungan.
“Yes, Sir. Hinding-hindi na. Sa pagbabalik ko sa kanila ay sisiguraduhin kong magiging masaya na kaming pamilya,” may kasiguraduhang tugon naman ni Randy.
Nakangiting tinapik siya ng warden. Iyon lang at pinalabas na siya.
Tumingala agad si Randy sa langit pagkalabas na pagkalabas niya sa gate. Pinuno niya ng preskong hangin ang kanyang dibdib. Ninamnam niya ang sikat ng araw sa labas ng kulungan.
“Hon…”
Dahan-dahan ay nagbaba ng tingin si Randy nang marinig niya ang tinig ng babae
