***DHENNA***
“Randy, bilis!”
Nasa may tabing-dagat si Dhenna nang makuha ang attention niya sa batang sumigaw ng pangalan na Randy. Wala sa sarili na napangiti siya.
Ilang taon na ba ang nakakalipas mula pinagtagpo at pinaglayo ang landas nila ni Randy?
Labing apat na taon na pala. Ang tagal na pala na hindi niya nakikita si Randy. Sa tagal na nga’y nakalimutan na niya ang pangungulila niya rito.
“Sandali!” sagot naman ng batang lalaki na siyang may Randy na pangalan. Hinabol nito ang batang babae.
Nakangiti pa rin si Dhenna na pinanood sila palayo sa kanya. Ang saya nila pagmasdan habang nagkukulitan. Nakakagaan sa kanyang pakiramdam na makita silang masaya.
“Ayos ka lang ba dito?” mayamaya ay boses lalaki mula sa likod niya.
Ang mga labi niyang namumutla at nagda-dry ay mas ngu
