***MANET***
Magaan na magaan ang pakiramdam ni Manet nang nagtungo siya sa Malvaro Hospital. Dumaan kasi siya sa opisina ng kanyang Ninong at binigyan siya ng magandang balita. Next week ay baka ilalabas na raw ang subpoena laban kina Dhenna at Randy. Tuloy na tuloy na ang kasong CONCUBINAGE na kanyang isinampa laban sa dalawa. At ang unang mangyayari, lalabas ang arrest warrant laban kay Randy.
Ayon na rin sa kanyang request ay makukulong na ang kanyang asawa habang dinidinig ang kaso.
“Anak, matatahimik na tayong dalawa. Maipapaghiganti na kita,” maluha-luhang sabi niya sa kanyang Baby Liam habang hawak niya ang napakaliit nitong kamay.
Ngumiti siya nang kumilos ang baby niya. Wari ba’y nakaunawa. Para ba’y natuwa rin ang kanyang anak dahil nagtagumpay sila.
“Ang nakakalungkot lang
