***DHENNA***
“Nasaan ang car key mo?” tanong ni Dhenna kay Randy nang nasa labas na sila ng bar. Ang laking tao ni Randy kaya hirap na hirap siya sa pag-alalay rito.
“Hoy, ingatan mo ‘yan. Huwag kung saan-saan mo dadalhin. Baka bukas ay hinahanap ka ng pulis dahil sa kasong kidnapping, ah?” sita sa kanya ni Kai na sumunod pala.
“Gaga, sa langit ko siya dadalhin kaya chill ka lang diyan. Ang mabuti pa ay kapain mo ang susi sa bulsa niya,” utos niya sa walang katiwa-tiwalang kaibigan sa kanya. Parang ewan, eh.
“Ayoko nga. Mamaya ay iba pa ang makapa ko sa kanya,” subalit ay pagtanggi ni Kai. Ang malala ay tumalikod na ito’t lumakad na pabalik sa bar.
“Hoy!” tawag niya rito.
“Kaya mo na ‘yan. Ganyan ang napapala ng malandi,” sabi ba naman ng gaga nang walang lingon-lingon. Talagang
