Dahan-dahan akong humakbang palapit dito. Ingat na ingat na umupo sa gilid ng kama at pinagmasdan s'ya.
Medyo bumilog s'ya, pero ang ganda-ganda pa rin n'ya.
Maingat akong sumampa sa kama saka humiga sa tabi n'ya. Pinagmasdan s'yang mabuti.
Ilang buwan din akong nagtiis, ngayon bumalik na s'ya. Wala naman na siguro s'yang balak na iwan ako, 'di ba? Naging good boy naman ako.
Gusto ko sanang ilapat ang palad ko sa t'yan nito kaso natakot ako na baka magulat ito. Kaya nagtiis akong pinagmamasdan lang s'ya.
Tahimik akong umiiyak, nagpapasalamat sa Diyos dahil tinapos na n'ya ang paghihintay ko. Napag-usapan na nga namin ni Daddy Lo na mag-invest na sa mga kompanya ng alak para makalibre dahil halos araw-araw kaming umiinom nito, paraan na rin namin para malibang sa paghihintay.
Na
