“CHRYSANTHA, sino ba ang lalaking 'yon? Bakit bigla na lang niyang sinapak si Angelo?”
“Oo nga, Chrys. Sino ba 'yon? Kung hindi ko lang talaga kasama si Teyo pinatulan ko na 'yon.”
Tiningnan niya ang dalawang kaibigan. “Hindi ko siya kilala, simula pa kagabi sinusundan na niya ‘ko. Hayaan niyo na 'yon, umuwi na tayo.”
“Pero Chrys, hindi ko pa nababayaran 'yong bill. Pupunta muna ako sa billing station—”
“Hindi na kailangan. Nabayaran ko na.” Kumabog ang dibdib ni Chrysantha sa boses na iyon. Hindi niya na kailangan pang lingunin kung sino iyon dahil sa loob ng halos limang taon ay ang boses na iyon ang hinanap-hanap ng pandinig niya…
Hinatak niya ang pisi na nagdudugtong sa dalawang lata, ang isang kapares ay nasa kanya at ang isa naman ay na kay Timo. Inilapat niya ang lata sa
