“MARAMI po ang nahulihan ng party drugs sa isang bar sa Tomas Morato. Kasama po sa mga nahuli ang isang drug runner, pero ayon po sa asset natin ay may isa pang drug runner ang hindi nakasama sa mga nahuli,” naiiling na balita ni NBI Agent Niccolo.
“Nahalughog niyo na ba ang buong pasilidad? Lahat ng eskinita, kanto at katabing kalye ng bar na 'yon?” may bahid ng pagkainis sa tinig na tanong Timo.
“Opo, sir, wala po kaming nakitang kahina-hinala sa paligid. Kinukumpirma pa po namin sa asset ang lahat ng impormasyong nakuha niya, lahat naman po tumutugma.”
“Siguraduhin niyo lang, hindi pa 'ko pumapalpak sa lahat ng misyon,” may pagbabanta sa tinig na sagot niya.
Nang makaalis ang kausap na Agent, ay muli niyang ibinaling ang atensyon kay Chrysantha na kasalukuyan nang kinakausap ng isan
