“MAGPAPALIWANAG ako,” agad na sabi niya nang makalabas na sila ng Psychiatric Clinic.
Humarap sa kanya si Chrysantha, salubong ang mga kilay nito at tikom ang bibig. Kahit hindi ito magsalita ay alam niyang sobrang naiinis ito sa ginawa niya.
“Okay, I’m sorry, alam kong hindi ko dapat ginawa 'yon, pero I swear hindi talaga ako ang nag-fill-un ng form na 'yon. Si Thor ang nagsulat do'n at tinatanong niya lang ako about sa mga infos na sasagutan tapos pumirma na ako, ang mali ko lang hindi ko muna binasa ulit bago ko ipina-fax,” paliwanag niya.
Nanatili pa rin ang galit na ekspresyon ni Chrysantha habang nakatitig sa kanya, ganito rin ang ekspresyon nito noong sabihin niyang bulaklak para sa patay ang simbolo ng Chrysanthemum flower.
“I’m sorry, 'wag ka nang magalit, please?” inabot niya
