“SIYA po ang ama,” putol ni Chrysantha sa nagsasalitang doctor, “Siya po ang tatay ng anak ko…”
Gulat siyang napabaling kay Chrysantha, seryoso ito habang kausap ang doctor kaya imposibleng nagsisinungaling lang ito sa sinabi para lamang matuloy ang operasyon ng anak. Hindi lang siya ang nagulat sa sinabing iyon ni Chrysantha, maging si Maira at ang kausap na heart surgeon ay nagulat din.
“Kung gano'n, sumama kayo sa'kin, may mga dokumento at waiver kayong pipirmahan bago masimulan ang operasyon. Masuwerte tayo dahil may dumating na matched organ donor para sa anak niyo kaya masisimulan na agad ang transplant nang hindi na kailangan pang maghanap ng donor.”
Pagkatapos nilang pirmahan ang lahat ng dokumento ay inasikaso na agad ng isang nurse ang pagkuha sa dugo niya, hindi siya makakuha
