CHAPTER 56
Kanina pa gising si Cara ngunit nanatili lamang siyang nakahiga sa kama. Her eyes were open and she was hugging a big pillow. Mulat na ang kanyang mga mata ngunit kaylayo ng nararating ng kanyang diwa. Nakatutok siya sa bintana ng silid na kinaroroonan niya ngunit wari ba ay wala roon ang kanyang isipan.
Ang mga bata ay kanina pa gising. Dinala na ang mga ito ni Rachel sa baba katuwang ang isa sa mga kawaksi ni Leandro. Idinahilan niya na masama ang kanyang pakiramdam kaya mauna na ang mga ito sa pagbaba. She even told them na hindi siya papasok sa trabaho dahil sa biglaang pagsama ng kanyang pakiramdam.
Which is partly true. Oo, masama ang pakiramdam niya. Ngunit higit sa kung ano pa man ay ang puso niya ang nakararamdam ng hindi maganda. Ni hindi niya na matandaan kung anon
