PALAKAD-LAKAD si Russel sa sala at hindi malaman ang kaniyang gagawin. Anumang oras ay batid niyang tatawag si Avery para sa sinabi nito sa kaniya. At hanggang ngayon ay hindi pa rin bumabalik si Travis, hindi niya ito makontak marahil may inaasikaso itong mission.
Alas otso na ng umaga araw ng linggo. Naisipan ni Shine na magtungo sila ng simbahan dahil may importante raw na ipagpasalamat. Mula noong mga nagdaang araw ay paiba-iba ang mood nito. Minsan sobrang sungit at kung minsan naman nasa mood ito. Gusto tuloy niyang isipin na baka buntis si Shine pero ano nga bang alam niya sa pagbubuntis ng mga babae. O baka may dalaw lamang ito kaya nagsusungit.
Naalala tuloy niya si Filomena kay Shine kapag may dalaw ito ay sobrang sungit. Konting-konti na lang, e, mapatay na siya nito noon sa t
