MAKALIPAS ang mga nangyari ay minabuti ni Russel na kumuha ng mga private bodyguards nila ni Shine. Binabantayan sila ng mga ito ng mabuti. Para ma-secure ang kaligtasan nila dahil hindi alam ni Russel kung ano pa ang kayang gawin ni Avery.
Kausap niya ngayon sa telephono si Travis at inaalam ang kalagayan ni Feya. Mabuti naman daw ito at bantay-sarado. Hindi pa rin kasi bumabalik si Manong Philip sa mansion, marahil nasa probinsiya na ito kasama ni Manang Lot. Hindi pa rin niya alam ang tunay na rason kung bakit biglang umalis ang mga ito.
Kasalukuyang nagtutuyo ng buhok si Shine habang nakatingin ito sa gawi niya. Ilang araw din itong malungkot at wala sa mood. Dalawang araw na lamang ang natitira para makasama niya ito. Nakakatiyak si Russel na hindi titigil si Avery hanggat hindi siy
