"O, bakit nakasimangot ka?" tanong ni Bernie kay Erin nang lapitan siya nito. Nakaupo siya sau upuang kahoy ay hindi maipinta ang kaniyang mukha."Daig pa ang Biyernes Santo niyang mukha mo, ah."
"Sino ba naman kasi ang hindi maiinis kung nandito ang taong sobrang kinainisan mo?" Humalukipkip ang dalaga at pasimpleng tinapunan ng tingin si Caleb na noon ay pinipigaan ni Ate Susan ng katas ng baston ni Jose ang ang sugat nito. "Dagdag pa tuloy siya sa intindihin dito. Ano ba kasi ang ginagawa niya rito? Para mangonsensiya at magpaawa? Lumayo na nga ako tapos sumunod-sunod naman siya. Ang epal talaga."
"Hayaan mo na. Hindi rin naman niya sinasadya na mapalo mo, eh."
Nakakunot ang noo na binalingan niya si Bernie. "Akala ko ba naiinis ka sa kaniya? Bakit parang kinakampihan mo pa siya ngayo
