Para makaiwas kay Caleb ay naglibot-libot muna si Erin kaysa ang manatili sa loob ng kubo. Siguradong hindiesiya nito tatantanan hangga't hindi siya pumapayag na makipag-usap. Hindi rin niya matagalan ang presensiya nito. Para siyang napapaso na hindi niya maunawaan sa tuwing nagkakalapit silang dalawa.
At iyon ang iniiwasan ni Erin na maramdaman niya uli para kay Caleb.
Sa paglalakad-lakad ng dalaga ay hindi niya namalayang nakarating na pala siya sa ilog na pinaglalabahan daw ni Ate Susan. Pero nagtaka siya kung bakit hindi niya ito nakita roon.
Kahit mag-isa lang sa lugar na iyon ay hindi maramdaman ni Erin na nakakatakot doon. Bukod sa malinis ang tubig na dumadaloy sa ilog ay malinis at malalaki din ang mga batong nakapalibot. Kagaya nga ng sinabi ni Ate Susan kanina. Pero hindi
