Nagsikip ang dibdib ni Erin nang makita niya si Kristoff na naghihintay sa sala. Ilang oras pa lang ang dumaan simula nang makaalis si Valentine nang dumating ito at humihiling na kausapin siya.
Ayaw sana muna ni Erin na makipag-usap kahit kanino. Masiyadong masakit ang pinagdadaanan niya ngayon at magang-maga na ang kaniyang mga mata. Pero may isang bagay siyang gustong malaman sa kaibigan. Tiwala naman ang dalaga na hindi iyon itatago ni Kristoff. Subalit iba pa rin ang kutob niya.
"Erin--"
"Did you know?" maagap na sansala ng dalaga sa ano mang sasabihin sana ni Kristoff.
Ilang sandaling nagulat ito sa naging reaksiyon niya. Kumunot ang noo nito na parang bang may binabalanse sa isip kung tama o mali ang iniisip.
"Alam mo ba na may nangyari na kina Caleb at Valentine noon bago p
