Hanggang ngayon ay hindi pa rin magawa ni Erin na lumabas ng kuwarto. Mugtong-mugto na ang mga mata niya dahil sa kaiiyak. Simula pa lang kagabi nang malaman niyang ikakasal na sina Caleb at Valentine ay todo-iyak na ang dalaga. Kaya nga imbes na awayin ni Kristoff si Caleb ay umalis na lang sila. Alam kasi ng kaibigan niya na siguradong maglupasay siya roon.
Mas matatanggap pa siguro ni Erin ang natuklasan kung hindi na sila nagkaroon uli ng ugnayan ni Caleb. Pero umasa siya, eh... Kahit malabo ay umasa ang dalaga na may pag-asa pa.
Pero ngayon na sobra-sobra na ang sakit na idinulot sa kaniya ni Caleb, hindi alam ni Erin kung kaya pa ba niya. Kahit ang umasa.
"Little sis, may bisita ka..."
Napatigil sa pag-iyak si Erin nang marinig ang boses ni Kuya Rafael mula sa labas ng kuwarto
