Hindi maalis-alis ang ngiti sa mga labi ni Erin habang pinagmamasdan ang pamilya ni Caleb na masayang nagpi-picture taking. Sa wakas kasi ay buo na rin ang mga ito. Nakalaya na si Kuya Ford at may sarili na ring pamilya. Nagbagong buhay na rin at hindi na binalikan ang dating bisyo na naging rason kung bakit ito nakulong noon.
Walang duda na bumalik na rin sa dati ang closeness nina Caleb at ng ama nito. Kaya makikita ang walang kapantay na kasiyahan sa mukha ng binata.
At masayang-masaya rin si Erin para sa dating nobyo at sa pamilya nito. Isa kasi siya sa nakasaksi kung gaano rin kahirap ang pinagdaanan ng mga ito noon bago naging lubos ang kasiyahan.
At naniniwala ang dalaga na katulad ng pamilya ni Caleb, balang araw ay matatapos din ang unos sa kaniyang pamilya. Lalo pa at unti-un
