Ilang beses pang bumalik ang lalaki para pilitin silang umamin na mga pakawala raw sila ng mga sundalo. Pero kahit anong sabihin nila ni Erin ay ayaw pa rin nitong maniwala. Siguro dahil nararamdaman nito na mayroon talaga silang itinatago. Iyon nga lang, tungkol naman kina Bernie at Ate Susan, at hindi ang ibinibintang ng mga ito sa kanila.
Narinig pa nila ni Erin na pinuntahan ng mga tulisan ang lugar na itinuro nila kung saan sila kunwaring nag-camp. At iyon ang tabing-ilog. Titingnan daw sana kung may mga gamit ba sila roon para magpapatunay na talagang nag-camp lang sila roon. Pero hindi na raw mapuntahan dahil may mga nakabantay ng sundalo. Na ipinagpasalamat naman nila ni Erin.
Nang dahil sa pakikipagmatigasan daw nila kaya hindi sila pinakain ng hapunan. Kahit tubig ay hindi ri
