Hindi alam ni Erin kung paano ipaliwanag ang tuwa na nadarama nang sa pagsilip niya mula sa pinagtataguan ay nakakita siya ng grupo ng mga sundalo na naglalakad sa tabing-ilog. May mga bihag itong hindi naka-uniform na mga kalalakihan. Kaya hinuha ni Erin ay tulisan ang mga ito.
"Caleb, may mga sundalo. Puwede na tayong lumabas at humingi ng tulong," pabulong niyang sabi sa binata na agad ding napasilip para tingnan ang tinutukoy niya.
"Oo nga. Pero hindi tayo puwedeng basta-basta lalabas. Baka mapagkakamalan nila tayong mga tulisan at nagpapanggap lang na sibilyan," kontra nito.
"Eh, kailan mo pala balak lumabas tayo? Kapag mga tulisan na ang nandiyan?" inis na tanong niya rito. "Kung ayaw mong lumabas, puwes, maiwan ka rito."
Aktong tatayo na si Erin nang bigla siyang pinigilan ni
