BINALING ko ang tingin sa beach.
"Depende. Oo at hindi?" sagot ko at tumingin na ulit sa kanya.
"'Yong matimbang, ano?" usisa niya at titig na siya sa akin ngayon na tila abang na abang sa sagot ko.
Napakurap-kurap ako.
"Kung makikita ko 'yong effort niya at nahanap niya ako dito. Tapos mangangako siya na hindi na niya ko sasaktan. Walang babae at ano pa man. Oo ang sagot ko, Romulo. Hindi naman nawala ang pagmamahal ko sa kanya. Gusto ko pa rin siya makasama hanggang ngayon kahit na mukhang okay na ko kumpara sa unang araw na nalaman ko lahat ng 'yon. First day parang disaster sa akin. Ngayon na kahit nakakangiti na ko syempre, naiisip ko pa rin na sana gumawa si God ng way para magka-ayos kami." I smiled at looked at my feet.
Nagulat ako ng tumayo siya. Tiningala ko siya habang ito
