NAPILITAN akong buksan ang pinto at nagawa kong kumawala sa higpit na yakap ni Kayden sa akin ngunit nanatili pa rin naman siya sa likod ko. Nagulat si Nanay Trina ng mapagbuksan ko siya ng pinto. Tumagos ang tingin niya sa lalaking nasa likod ko at pagkatapos sa akin.
"Uh, hindi na po, Nay. Salamat po sa isang linggo na pagtira ko dito. Uuwi na rin po kasi ako," I smiled.
"Ah, ganoon ba? O, sige. Sinundo ka na pala ng asawa mo. Kagwapo pala nito. Kayong mga kabataan talaga, kapag kaunting problema, layas agad. O, sige na. Alis na ko. Salamat din sa'yo," paalam niya.
Tumango lang ako habang tikom ang bibig. Binalingan ko si Kayden pero lumapit ito sa pinto para isara iyon. Nag-init ang pisngi ko. Iba na yata ang takbo ng utak ko. Wala naman siyang sinasabi o ano pero iba ang
