"Ang ganda! Oh my God!" sigaw ni Weng habang pinagmamasdan niya ang postura ko sa harap ng salamin.
Maging ako ay hindi nakilala ang sarili ko. Kasalukuyan ko nang suot ang hindi naman kagarbuhang puting gown. Isang propesyonal na hair and makeup artist ang siyang nag-ayos sa akin dito sa kanilang studio sa mall.
Sa hitsura ko, bakit pakiramdam ko ay ako ang ikakasal?
Pero malabong mangyari iyon dahil ako ang walang jowa. Si Weng ang totoong may jowa at ikakasal. Napakaganda niya sa suot niyang gown. Mas magarbo iyon kaysa sa suot ko.
"Mabuti at sumakto sa iyo ang gown na 'to. Talagang para sa iyo 'to," nakangiting sabi ni Weng habang inaayos niya ang pagkakasara ng mga tali sa aking likuran.
"Ang ganda mo rin. Masaya ako para sa iyo. Magkakapamilya ka na at hanggang ngayon ay single
