Isang malakas na paghatak ang ginawa ni Randall sa lambat na pag-aari ni Jack. Inipon at sinalansan niya iyon sa loob ng bangka saka kinuha naman at itinabi dito ang timbang paglalagyan nila ng mga mahuhuling isda.
Pasado alas-siyete ng gabi at hinihintay na lamang niya ang pagdating ng kanyang pinsan. Napagpasyahan niyang samahan ulit ito sa pagpalaot.
Huminga siya nang malalim saka sumandal mula sa bangkang nasa harapan niya. Ang usapan nila ni Jack ay doon na lang magkita sa pinaghihintuan nito ng bangka. Marahil ay papunta na rin doon ang pinsan niya.
He stared at the sky. Maaliwalas ang langit at nagliliwanag ang mga bituin. Hindi pa maiwasang sumagi sa isipan niya si Fiona habang naroon siya at nag-iisa.
Dama niya ang pagbabago sa pakikisama nito sa kanya, kung bakit ay hindi niy
