"Sigurado ka ho bang okay lang na sumama ka sa amin, Ate Fiona?" magalang na tanong ni Lilia sa kanya nang umagang iyon. "Mainit na ho at baka abala lang sa inyo."
Maluwag siyang ngumiti dito at sinabayan na ang dalaga sa paglalakad. Kapanabay niyang maglakad si Lilia habang hawak naman nito sa isang kamay si Marga.
Marga was now wearing her day care uniform. Nakatali ang buhok nito at may cute na ribbon na nakakabit. Sukbit na rin ng bata sa leeg nito ang school ID habang si Lilia naman ang may dala ng maliit nitong bag.
Naglalakad-lakad siya kanina sa may baybayin para pampalipas lang ng oras. Hanggang sa mga sandaling iyon kasi ay puno pa rin ng alalahanin ang kanyang isipan. Naguguluhan siya, sa totoo lang.
Hindi niya magawang komprontahin si Randall tungkol sa pagsisinungaling nit
