Excited na isinasalaysay ni Dom ang mga lugar na gusto niyang puntahan ngayong araw na 'to. Nakapangako kasi kami ni Qino sa kanya kahapon na aalis kaming tatlo at ipapasyal siya. Nakapagpa-book na rin ang kuya niya kagabi sa Dinosaurs Island para sa aming tatlo. Pero bago namin magawa 'yon, kailangan muna naman dumaan sa bahay ng lola ko.
Tumawag kasi si Dada noong isang araw at tinatanong kung nagpakita na ba ako sa nanay niya. Naging abala kasi ako sa trabaho at sa iba pang mga bagay kaya nawala na 'yon sa isipan ko. At sakto namang naalala ko 'yong tanong ni Mommy kung naipakilala ko na ba si Qino sa mga Velasco, kaya heto kami ngayon at pupunta muna doon bago namin dalhin ang bunso namin sa mga gusto niyang puntahan.
"I feel so nervous," saad ni Qino habang minamaneho ang sasakyan.
