(ONIC)
PUMAPASOK na ang liwanag sa glass windows ng study room nang magising ako kinabukasan. Kinusot ko ang mga mata ko upang makamulat nang husto. Medyo masakit ang ulo ko at madali ko namang na-realize kung bakit at iyon ay dahil sa aking ininom.
Mariin akong napapikit. Sobrang laki na ng problema ko ngayon. Matigas si Tito Zaldy na masunod ang plano niya at dahil sa tindi anxiety ay binalingan ko tuloy ang may magandang klase at hugis ng bote ng alak na naka-display sa bar at binuksan para tikman.
Wala naman akong balak maglasing. Parang gusto ko lang magrebelde buong araw kahapon. Mientras kasi na gawan ko ng paraan ang problema ko ay lalo pa akong nalulubog. Hindi umaayon sa inaasahan ko ang nangyayari. Napainom tuloy ako kaya lang ay napasobra na pala ako sa wine at tumigil lan
