ARAW ng kasal ni Jarold at Annika, pero kapansin pansin ang kakaibang kilos ni Jarold. Kaya lumapit si Charlie sa pinsan.
“Kuya Jarold, anong nangyayari sayo may problema ka ba?” halos bulong lang ang pagkasabi ni Charlie sa pinsan.
“Parang nakita ko ang babaeng yon.” anas na sagot nito sa kanya.
“Paano yan kung totoong siya ang babaeng yon? Anong gagawin mo?”
“Hindi ko rin alam, basta ayaw kong makansela ang kasal ko.”
“Susubukan kong gawan ng paraan.”
“Please Charlie, ikaw na ang bahala.”
“Ayan na sila huwag kang magpahalata sa kahit sino.”
“Okay, salamat.” mabilis na tumalikod si Charlie. Hinanap sa paligid ang triplets. Nang namataan sa ‘di kalayuan ay agad nilapitan niya si Cydi.
“Cydi, tawagin mo ang mga kakambal mo may mahalaga tayong misyon.” habang palinga linga sa paligi
