Julia's POV
Mga ilang oras nang makarating na kami dito sa US. Dahil wala akong alam dito, sinusundan ko na lang si Tita kung saan siya papunta.
Nang makalabas ng airport, agad siyang pumara ng cab. Napayakap ako sa sarili at napatingin sa langit. Malamig nga. Sumakay na ako ng cab at tiningnan ang nasa labas.
Mga ilang minuto nang bumaba kami sa harap ng isang apartment.
"Dito ako umuuwi galing sa trabaho." rinig kong sabi ni Tita.
Hinila ko na ang maleta ko at sinundan si Tita papasok sa loob. Mga pangatlong palapag ang inakyat namin. Binuksan ni Tita ang pinakasulok na kuwarto ng floor na ito.
Nang makapasok, simpleng sala lang ang bumungad sa akin. Agad akong napasalampak sa sofa dahil sa jet lag na nararamdaman ko.
"May dumadaan naman dito na cab. Bukas ay maaga akong aalis. Ma
