"Arienne!" sigaw ni Mommy sa akin nang makita niya akong palabas ng bahay.
Huminga ako ng malalim bago ako humarap sa kanya. "Bakit?"
Nakaangat naman ang kanang kilay niya habang pinagmamasdan ang itsura ko.
"Where are you going?" tanong niya.
"May pupuntahan akong party"
Mas lalong tumaas ang kanang kilay ni Mommy sa naging sagot ko. "Party ang pupuntahan mo tapos ganyan ang suot mo?" Halata sa mukha ni mommy ang inis.
"Mom, hindi naman kailangan maganda ang isuot dahil masquerade party lang naman ang pupuntahan ko. Sinama ako ng magulang ng estudyante ko sa party."
Nameywang si mommy. "Kapag ibang tao ang magyaya sa iyo na sumama sa party sumasama ka, pero kapag ako ang nagyaya sa 'yo tinatakasan mo ako."
"Hindi lang siya magulang ng estudyante ko. Naging kaklase ko rin siya noon
