DAHIL hindi naman ganoon kasama si Alex kaya hinayaan niyang kainin ni Lucas ang niluto niyang pagkain na hanggang dinner na sana niya.
“Hindi mo ba talaga ako sasabayan? Kahit ngayon lang, please?” Hindi niya alam kung ilang beses na itong nagpabalik-balik sa sala para lang pilitin siya na sabayan itong kumain pero nakikipagmatigasan siya. “Hindi talaga masarap kumain nang mag-isa.”
“Busog pa nga ako, Lucas. Tigilan mo na ang pangungulit sa’kin kung ayaw mong madagdagan ang inis ko sa’yo.” Isang titig pa sa mukha nito bago niya ito pairap na tinalikuran.
“Okay. Ako na lang ang kakain nang mag-isa. Kaysa ang magalit ka pa lalo sa’kin,” malungkot nitong saad hanggang sa naramdaman niya ang mga yabag nito na pabalik ng kusina.
Saka lang huminga at umayos ng upo si Alex. Hindi na halos n
