Six months later…
TUWANG-TUWA si Alex nang araw na iyon dahil naubos na naman ang nilalako niyang Danggit Lamayo at kasoy. Holy week kasi ngayon kaya dumagsa ang mga turista sa isla ng Paraiso. Isa iyong nakatagong isla sa lugar ng Palawan. Dito niya piniling magtago pansamantala pagkatapos niyang takasan ang masakit na karanasan niya noon sa Manila.
Nang marinig noon ni Alex ang buong katotohanan, feeling niya pinagkaisahan siya nina James, Lucas at Charlotte. Aminado naman siya na may kasalanan din siya dahil sa panloloko rin niya. Pero mas masakit lang sa part niya dahil na-involve ang puso niya.
Hindi niya matanggap na pinagmukha siyang tanga ni Lucas sa pagpapalit-palit nito ng katauhan para lang paglaruan siya. Kaya nang araw na iyon, hindi na siya humarap sa mga ito at umalis na
