"Saan tayo magkikita?" Tanong ko kay Ace pagkagising na pagkagising ko. Naghanda na rin ako ng makakain namin ni Erwan. Maagang umalis si Geoffrey dahil sa marami pa siyang tinatapos. Alam naman ni Geoffrey na kapag buntis ako ay hirap talaga akong gumising kahit noon pa.
Hindi ko alam kung ano ba ang mga dapat kong sabihin kay Ace kapag nagkita kami bukod sa paghingi ko ng tawad dahil kung hindi ko siya iniwan noon, alam kong hindi niya magagawa ang mga bagay na labag sa akin.
Marami akong pagkukulang kay Geoffrey ngayon dahil hindi ko siya naaasikaso pero babawi ako sa kanya oras na makapanganak ako, sa ngayon, aalagaan ko na muna ang anak namin.
"Susunduin kita diyan." Sabi niya sa akin kaya naman hindi ko na muna pinalabas si Erwan sa kwarto dahil ayokong makita siya ni Ace. Iniiw
