"Troy…" agaw ko sa pansin ni Troy nitong umagang ito.
"Hmmn?" Sagot naman niya na saglit akong nilingon.
"Pupunta ako ng mall mamaya, mamimili ng gamit ng kambal. Ayos lang ba?" tanong ko sa kanya habang abala siya sa paghahanda sa pagpasok sa opisina.
Nagsusuot na siya ng kanyang sapatos habang ako naman ay nakaupo sa aking dresser at nagsusuklay ng aking buhok.
"Yes, you may, baby. Magdala ka ng kasama para taga bitbit ng mga dala mo. Pwede si Manang o kaya ay ibang katulong na hindi abala mamaya rito sa bahay," suhestiyon ni Troy. Tumayo siya sa harap ng full length mirror at minasdan ang kanyang sarili.
Natulala ako saglit sa kanyang kabuuan. Parang habang tumatagal ay pagwapo siya nang pagwapo sa aking paningin.
"O-Okay, Troy." medyo nautal kong sabi nang mahuli niya akong nakat
